Mu Karere ka Huye hakiriwe Abadepite bari muri gahunda y’ingendo rusange z’abadepite mu turere hagamijwe gukurikirana gahunda n’ibikorwa bigamije impinduka nziza mu nkingi y’imiyoborere, by’umwihariko mu mitangire ya serivisi. Aba badepite bashimye ko Akarere ka Huye kaje ku isonga mu mitangire ya serivise. 

Aba badepite bakiriwe mu Karere kuri uyu wa 28 Gicurasi 2025, bagizwe na MUNYANGEYO Théogène; UWAMAHORO Prisca na MUKAMPUNGA Epiphanie. Iri tsinda ryaje muri gahunda y’ingendo rusange z’abadepite mu turere hagamijwe gukurikirana gahunda n’ibikorwa bigamije impinduka nziza mu nkingi y’imiyoborere. 

Biteganijwe ko aba badepite bazibanda  by’umwihariko mu mitangire ya serivisi mu byiciro birimo  ikoranabuhanga rikoreshwa mu mitangire ya serivisi zinyuranye za Leta muri rusange (e-Government: irembo, e-Citizen Complaint System, Imibereho Dynamic Social Registry system, ... ); imitangire ya serivisi mu nzego z’ibanze by’umwihariko: serivisi z’ubutaka n’imyubakire, serivisi z’irangamimerere n’izerekeye irangizwa ry’imanza zaciwe burundu no kureba muri rusange ibyerekeye ubuhuza n’ubufasha mu by’amategeko (Mediation & Access to Justice Bureaus / MAJ). Hazanarebwa uruhare rw’inteko z’abaturage n’izindi forums zikoreshwa mu gukemura ibibazo by’abaturage.

Abadepite bashimye ko Akarere ka Huye kaje ku mwanya wa mbere mu turere towse mu mitangire ya serivise, nk’uko byagaragajwe n’Urwego rw’Igihugu rw’Imiyoborere muri raporo yarwo ya 2024 (CRC 2024) iragaragaza uko abaturage bishimiye imiyoberere n'imitangire ya serivisi mu nzego zibegereye. Iyi raporo y’uru rwego yagaragaje ko Akarere kaza li mwanya wa mbere ku gipimo cya 84.5%

Uru ruzinduko ruzamara icyumweru (28/05 – 04/06/2025) rwatangijwe n’inama yahuje ibyiciro bitandukanye birimo ubuyobozi bw’Akarere, abafatanyabikorwa batabdukanye, abahagarariye ibyiciro byihariye, inzego z’umutekano, … 

Biteganijwe ko hazasurwa ibikorwa n’ahatangirwa serivisi no kugirana ibiganiro n’abaturage mu mirenge.