Abajyanama b’Akarere ka Huye n’abafatanyabikorwa mu iterambere bakomeje gahunda yo gusura imirenge hagamijwe kwegera abaturage, kuganira ku iterambere, kumva ibibazo n’ibyifuzo byabo no gushakira hamwe ibisubizo.

Kuwa 28 Ugushyingo 2025, abajyanama b’Akarere n’abafatanyabikorwa, binyuze muri gahunda y’icyumweru cyahariwe Umujyanama n’Umufatanyabikorwa, bakomeje gahunda yo kwegera abaturage mu mirenge.

Itsinda riyobowe na Perezida wa Njyanama y’Akarere Dr Kagwesage Anne Marie ryasuye Umurenge wa Maraba. Muri uyu murenge bagiranye ibiganiro n’abayobozi bahagarariye ibyiciro binyuranye by’abaturage mu murenge. Abajyanama basuye ibikorwa birimo iby'ubuhinzi, kurengera ibidukikije, ibirebana n'uburezi, ibikorwa remezo, ... 

Hatanzwe inama zo gukomeza kubungabunga ibyagezweho no kongera umusaruro w'ubuhinzi n’ubworozi hagamijwe kwihaza no gusagurira amasoko.

Abajyanama baganiriye n’abaturage ku birimo ingamba zo kwiteza imbere, gukora cyane no gusigasira ibyagezweho, hanibandwa ku gukumira amakimbirane mu muryango.

Banumvise ibibazo by’abaturage ndetse hanatangwa ibisubizo bishimangira ubufatanye mu iterambere.