Mu murenge wa Mukura hatashywe ku mugaragaro inyubako z’utugari tubiri zavuguruwe, mu rwego rwo gutangira serivise aheza. Abaturage bo muri Mukura bashima ko bahabwa serivise vuba, bakaba bishimiye ko hakomejewe kuvugururwa n;utugari ngo bajwe baherebwa serivise aheza.

Kuwa 20 Gicurasi 2025, ubuyobozi bw’Akarere bwifatanyije n’abaturage mu tugari twa Buvumu na Bukomeye mu gutaha ku mugaragaro inyubako z’utu tugari zavuguruwe.

Umunyamaganga Nshingwabikorwa w’umurenge wa Mukiura yagaragaje ko bishimiye ko utugari tutari tumeze neza two muri uyu murenge tuvuruwe, bityo bakaba bagiye gukorera heza. N’abaturage kandi bashima ko izi nyubako z’utugari zavuguwe bityo bakaba bagiye guherebwa serivise heza.

Umuyobozi w’Akarere Sebutege Ange yashimye abaturage uburyo bashyize hamwe bagafatanya n'ubuyobozi kwisanira ibiro by'akagari ka Buvumu na Bukomeye, asaba n’abayobozi kurushaho gutanga serivise nziza.

Mu bundi butumwa bw’umuyobozi yagarutse ku ngingo zirimo kwibutsa abaturage guharanira kugira umuryango utekanye, himakazwa ibiganiro mu muryango; kwita ku buhinzi n'ubworozi kuko byuzuzanya; kwita ku isuku, aho bamenyeshejwe ko umuturage wese afite inshingano zo gutunga ubwiherero bwiza bwujuje ibisabwa. 

Abaturage bakanguriwe gufata neza ibikorwa remezo by'amazi n'amashanyarazi; imihanda, amateme n’ibindi byose byubakwa.  Abaturage basabwe gutanga amakuru ku gihe y’uwangiza ibikorwa remezo kugira ngo hafatwe ingamba.

Kuvugurura inyubako z’utugari biri mu mihigo y’Akarere ka Huye y’umwaka wa 2024 – 2025, hakazavugururwa inubako z’utugari 12.