Mu murenge wa Ngoma hateraniye inteko rusange ngarukamwaka y’Inama y’Igihugu y’Abagore, haganirwa ku byakomeza kwitabwa mu guteza imbere umugore wo mu Karere ka Huye. Muri iyi nteko rusange hasinywe imihigo ya mutimawurugo y’umwaka wa 2025 – 2026.

Ni inteko rusange yateranye kuwa 01 Nzeri 2025 ifite iyi nsanganyamatsiko “Umugore ushoboye kandi ugira uruhare mu iterambere ry‘Igihugu”. Inteko rusange yitabiriwe n’abayobozi barimo Honorable Tumushime Francine, Umudepite mu nteko ishinga amategeko; Perezida w’Inama Njyanama y’Akarere;  Umuyobozi w’Akarere; Umuyobozi w’Akarere wungirije ushinzwe imibereho myiza; inzego z’umutekano; abafatanyabikorwa batandukanye bakora mu bijyanye no guteza umugore imbere n’abandi batumirwa biganjemo abagenwa n’itegeko.

Muri iyi Nteko rusange y'Inama y'Igihugu y'Abagore ku rwego rw'Akarere haganiriwe ku birebana n’iterambere ry’umugore, harebwa ku ishyirwa mu bikorwa ry’imihigo ya mutimawurugo 2024 – 2025; hanaganirwa ku mihigo mihigo ya Mutimawurugo 2025 – 2026 ku rwego rw’Akarere n’imirenge, ndetse irasinywa. 

Muri iyi nteko rusange hashimiwe imirenge yesheje neza imihigo ya mutimawurugo y’umwaka ushize. Iyo mirenge ni Maraba, Kigoma na Mukura.

Hon. TUMUSHIME Francine

Hasinywe imihigo ya Mutimawurugo.

Umurenge wa Maraba wahize indi wahawe igikombe.

Umurenge wa Kigoma wabaye uwa kabiri wahawe Certificate

Umurenge wa Mukura wabaye uwa gatatu wahawe Certificate