Hateranye inama isanzwe y’Inama Njyanama y’Akarere iyobowe na Perezida wayo Dr Kagwesage Anne Marie. Haraganiriwe ku ngingo zigamije iterambere ry’Akarere zirimo ishyirwa mu bikorwa ry'imihigo y’Akarere 2025–2026, iteganyabikorwa ry’ibikorwa by’Akarere; imyiteguro y’igihembwe cy’ihinga 2026A n’izindi.

Iyi nama yateraniye mu Karere ka Huye kuwa 30 Nzeri 2025, haganirwa ku ngingo zirimo kwemeza inyandikomvugo y’inama isanzwe y’Inama Njyanama y’Akarere yo kuwa 20 Kamena 2025, inyandikomvugo y’Inama idasanzwe y’inama Njyanama yo kuwa 30 Kamena 2025, inyandikomvugo y’inama idasanzwe y’Inama Njyanama yo kuwa 27 Kanama 2025 no kureba uko imyanzuro yafashwe muri izo nama yashyizwe mu bikorwa.

Muri iyi nama Njyanama harebwe imihigo y’Akarere 2025-2026 igeze ishyirwa mu bikorwa, iteganyabikorwa ry’ibikorwa by’Akarere (Action Plan) n’ikoreshwa ry’ingengo y’imari.

Abajyanama bemeje imyanzuro ya Komisiyo z’Inama Njyanama na Komite Ngenzuzi y’Akarere banamurikirwa imyiteguro y’igihembwe cya mbere cy’ihinga 2025 – 2026. 

Mu bindi, Umuyobozi w'Akarere yasangije inama Njyanama amakuru ajyanye n'uruzinduko rw'akazi Nyakubahwa Minisitiri w'Intebe yagiriye mu Karere ka Huye.