Mu murenge wa Karama, akagali ka Kibingo hatangirijwe ku rwego rw’Akarere igikorwa cyo kwitura inkoko 500. Iki gikorwa kigamije guteza imbere imibereho myiza y’umuryango, bigakorwa ku bufatanye n’umushinga PRISM.

Igikorwa cyo kwitura cyatangijwe kuwa 25 Mutarama 2023 ahatanzwe inkoko 500 zigizwe n'amasake 300 n’inkokokazi 200 ku miryango 50. Byakozwe ku bufatanye n'Umushinga wa PRISM ushamikiye ku kigo cy’igihugu gishinzwe guteza imbere ubuhinzi n’ubworozi (RAB).

Ku miryango 50 yorojwe mu murenge wa Gishamvu, buri muryango wahawe inkoko icumi(10) zigizwe n’amasake (6) n' inkokokazi enye (4) hamwe n’ibiryo byazo ibiro 25 n'imiti y'ibanze.

Abaturage bahawe izi nkoko bazishimiye, bagaragaza ko zigiye kubafasha kwiteza imbere binyuze mu kubona ifumbire, kandi zikazanateza imbere imirire myiza mu miryango.

Gutanga izi nkoko bizanakomereza mu mirenge ya  Kinazi na Gishamvu kikazasoza hituwe inkoko 1,690 ku miryango 169.

Umushinga PRISM ugamije guteza imbere ubworozi bw'amatungo magufi ( ingurube, inkoko n'ihene), ukaba ukorera mu mirenge ya Karama, Rwaniro, Kinazi, Ruhashya na Gishamvu.

^{Hatanzwe inkoko mu rwego rwo kuzamura ubushobozi bw'imiryango.}

^{Abana bahawe amagi mu rwego rwo guteza imbere imirire myiza}