Abashinzwe ubuhinzi mu mirenge no ku Karere bahuriye mu nama na ‘One Acre Fund / Tubura’, umufatanyabikorwa wa Leta mu buhinzi, haganirwa ku nganga zo gukomeza kunoza ibikorwa by’ubuhinzi hagamijwe kongera umusaruro.

Ni inama yabereye mu Karere ka Huye kuwa 06 Kamena 2024, hakozwe inama yahuje One Acre Fund / Tubura n’abakozi b’Akarere bashinzwe ubuhinzi mu mirenge no Ku Karere.

Tubura yagaragaje ko intego nyamukuru y’iyi nama ari ugufatira hamwe ingamba zo kunoza serivise zitangwa mu buhinzi no kurebera hamwe ibibazo byaba biri mu buhinzi byakorerwa ubuvugizi hagamijwe gukomeza guha serivise nziza abahinzi, kandi hagamijwe gufasha umuhinzi kugera ku iterambere.

Umuyobozi w’Akarere ka Huye wungirije ushinzwe iterambere ry’ubukungu Kamana Andre yasabye ko hashyirwa imbaraga mu kureba niba ibishorwa mu buhinzi ari byo bivamo.

Kamana yasabye Tubura kujya itanga ifumbire ku bahinzi bafite imborere, kndi bakanakora ubushakashaytsi bwo kureba niba umusaruro wiyongera nk’uko ari yo ntego yabo…

Kamana Andre, umuyobozi wungirije w'Akarere ushinzwe iterambere ry'ubukungu.

Kamana yasaba ko hajya habaho guhuza imibare hagati y’impande zombi kugira ngo bifashe mu igenamigambi ryo mu buhinzi. Yanasabye kandi kongera amahugurwa ahabwa abahinzi kugira ngo harusheho gukorwa ubuhinzi butanga umusaruro mwiza, abahinzi bihaze kandi basagurire n’amasoko.

Kamana yasabye ko abafatnayabikorwa mu buhinzi barushaho gukundisha urubyiruko ubuhinzi, cyane cyane ko urubyiruko ari rwo rugize umubare munini w’abanyarwanda. Agronomes basabwe kuzuzanya n’abashinzwe ubworozi kuko ubuhinzi n’ubworozi byuzuzanya. Yagaragaje ko umuhinzi udafite ifumbire y’imborera atakweza neza, kandi agaragaza ko ubworozi ari uruganda rwizewe rw’ifumbire y’imborera nziza.

Muri uyu mwaka, Tubura yakoranye n’abahinzi basaga ibihimbi 36 bo mu Karere ka Huye.