Ukwezi k’Ukwakira ni ukwezi kwahariwe kuzirikana ubumwe n’Ubudaheranwa by’Abanyarwanda. Mu mirenge yose hatangijwe ibikorwa by’uku kwezi, buri wese ashishikarizwa kuzitabira gahunda n’ibikorwa byateganijwe bijyanye n’uku kwezi.

Gutangiza uku kwezi byakozwe kuwa 1 Ukwakira 2025, aho mu murenge wa Ngoma ari ho hatangirijwe ku rwego rw’Akarere Ukwezi kwahariwe kuzirikana Ubumwe n’ubudaheranwa bw’Abanyarwanda,ku nsanganyamatsiko “Twimakaze ubumwe n’ubudageranwa.“  

Hatanzwe ikiganiro ku mateka y'u Rwanda n'isenyuka ry'ubumwe bw'Abanyarwanda, kongera kubaka ubumwe bw'Abanyarwanda. Hanaganiriwe ku bikibangamiye Ubumwe n'ubudaheranwa n'ingamba zo guhangana  n'imbogamizi zikigaragara, n'uruhare rw'urubyiruko mu kwimakaza ubumwe n'ubudaheranwa.

Hatanzwe ibitekerezo binyuranye ku bikorwa byazakorwa muri uku kwezi harimo gutanga ibigniro mu nzego zitadukanye (Ibiganiro ku midugudu, ibiganiro ku barimu bigisha amateka, ibiganiro ku madini n'amatorero, ibiganiro ku bagororwa bari mu magororero), …

Buri wese arashishikarizwa kuzitabira gahunda n'ibikorwa biteganijwe muri uku kwezi.