Kuwa 15 Gicurasi 2023, mu Karere ka Huye hatangijwe ukwezi kwahariwe imiryango hagamijwe kurushaho kubaka umuryango ushoboye kandi utekanye.

Uku kwezi kwatangirijwe mu murenge wa Tumba, akagali ka Cyarwa mu mudugudu wa Mukoni.

Mu gutangiza uku kwezi kwahariwe imiryango, ababyeyi bahawe ikiganiro ku kurengera no kubungabunga umwana. Bongeye kandi gusobanurirwa akamaro k’Umugoroba w’Imiryango. Ibi biganiro bahawe biri muri gahunda yo kubaka umuryango ushoboye kandi utekanye nk’uko bikubiye mu nsanganyamatsiko y’uku kwezi igira iti:” Twubake umuryango ushoboye kandi utekanye.” 

Abaturage basobanuriwe akamaro ko kwipimisha indwara zitandura kandi barapimwa.

Ku bufatanye na Eden Temple International, abaturage batishboboye bahawe ibiryamirya (matelas) 150. Abahawe izi matelas bashimiye umufatanyabikorwa Eden Temple dore ko hari n’izindi gahunda z’iterambere asanzwe afasha abaturage.