Hagamijwe gukomeza gushyira imbaraga mu burere n’uburezi bufite ireme butangwa mu mashuri yo mu Karere ka Huye, hateranye inama y’uburezi.  Inama iyobowe n’Umuyobozi w’Akarere, yitabiriwe n'abayobozi b'Ibigo by'amashuri, komite z’ababyeyi n’abandi bafatanyabikorwa mu burezi.

Iyi nama yateraniye mu murenge wa Ngoma kuwa 14 Werurwe 2025, ikorwa hagamijwe gukomeza kuzamura ireme ry’uburezi n’uburere bihabwa abanyeshuri bo mu Karere ka Huye. Muri iyi nama, itsinda ry’abanyeshuri b’ishuri rya Groupe Scolaire Officiel de Butare bahagarariye abandi batsinze ku rwego rw’Igihugu “FIRST Lego League and AI hackathon competition” bamuritse bimwe mu byatumye batsinda iri rushanwa. Iri shuri rya GSOB rizahagararira u Rwanda mu marushanwa azabera muri Leta zunze Ubumwe za Amerika. 

Muri iyi nama y’uburezi hashimiwe amashuri yakoze neza mu bizamini bya Leta ari yo  Ecole Notre Damme de la Providence Karubanda, Groupe Scolaire Officiel de Butare – Indatwa; New Vision Primary School; Ecole Autonome de Butare; G.S Nkubi; G.S Gatovu n’ishuri ribanza rya Sahera.