Abayobozi mu nzego zitandukanye bitabiriye ihuriro ry'ubumwe n'ubudaheranwa, haganirwa ku ruhare rw'indangagaciro na Kirazira by'umuco Nyarwanda mu kwimakaza ubumwe n'imibanire myiza. Haganiriwe kuri zimwe mu nzitizi zikibangamiye ubumwe n'ubudaheranwa.

Iri huriro ry’Ubumwe n’Ubudaheranwa ku rwego rw'Akarere ryateraniye mu Karere ka Huye kuwa 23 Ukwakira 2025,  rifite iyi nsanganyamatsiko: "Twimakaze Ubumwe n'Ubudaheranwa". Iri huriro ryitabiriwe n'abayobozi bahagarariye ibyiciro binyuranye birimo Komite nyobozi y’Akarere, Abajyanama, abahoze mu myanya itandukanye y’ubuyobozi, abafatanyabikorwa,...  

Binyuze mu matsinda, abitabiriye Ihuriro ry'Ubumwe n'Ubudaheranwa baganiriye ku nzitizi zibangamiye Ubumwe n'Ubudaheranwa, ndetse n’ingamba zafatwa ku nzego zitandukanye kugira ngo Ubumwe n'Ubudaheranwa burusheho gukomeza kwimakazwa.

Mu gusoza Ihuriro, Umuyobozi w’Akarere Sebutege Ange yasabye abitabiriye iri huriro gukomeza umusanzu wabo mu gutuma inzira y’Ubumwe n’Ubudaheranwa imaze guterwa itazasubira inyuma. 

Yasabye guhanga udushya dutuma imbogamizi zikibangamiye Ubumwe n’Ubudaheranwa zibonerwa ibisubizo.