Imiryango 65 y'abarokotse Jenoside yakorewe Abatutsi mu Karere ka Huye, ishima ko yatujwe mu nyubako zigezweho Nyuma yo kumara igihe ikodesherezwa n'ubuyobozi kubera kutagira aho gukinga umusaya.

‎Dushimirwe Valentine ni umubyeyi warokoze Jenoside yakorewe Abatutsi mu Murenge wa Karama mu Karere ka Huye. 

Kwibuka kuri iyi nshuro ya 31 isanze ari iwe avuye mu bukode yari amazemo imyaka 14.

‎Mporanyisenga Joseph we avuga ko ari abumazemo imyaka 10 asembere.

Kimwe n'indi miryango yarokotse Jenoside yakorewe Abatutsi nyuma yo gutuzwa neza igahabwa n'ibikoresho by'ibanze byo mu nzu byabongereye icyizere cyo kubaho.‎

Umuyobozi w'Akarere ka Huye, Ange Sebutege avuga ko ku bufatanye n'abafatanyabikorwa bakomeje no kubakira indi miryango 20 itagira amacumbi.‎

‎Mu ingengo y'imari y'umwaka ushize Akarere ka Huye kakoresheje Miliyoni zisaga 900 mu gutuza imiryango 65 y'abarokotse Jenoside yakorewe Abatutsi aho babubakiye inzu z'Imidugudu z'ijyanye n'igihe.

Ubuyobozi bw'Akarere buvuga ko nibura gukodeshereza iyi miryango ku Kwezi bishyuraga asaga Miliyoni.

                                    ^{Imidugudu yubatswe mu mirenge itandukanye y'Akarere ka Huye}