Mu Karere ka Huye ni ho habereye umuhango wo kwibuka ku rwego rw’Igihugu abayoboke b’Itorero rya ADEPR bishwe muri Jenoside yakorewe Abatutsi. 

Ni igikorwa cyabaye kuwa 15 Kamena 2023, kibera mu murenge wa Kinazi ku rwego rw'Igihugu, cyitabiriwe n'umuyobozi mukuru w'iri torero, Umuyobozi w'Akarere n'abandi bayobozi mu nzego zinyuranye.

Umushumba Mukuru w’Itorero ADEPR Isaie Ndayizeye yavuzeko muri iy'iminsi 100 Itorero ADEPR ryifatanije n'Abanyarwanda mu kwibuka jenoside yakorewe Abatutsi 1994, ryagize ibikorwa byo kwibuka 113, hasanwe amazu 61 y'abarokotse jenoside andi 19 arigusanwa, rinaboroza inka 94 n'ibindi bitandukanye.

Umushumba Mukuru w’Itorero ADEPR yavuzeko muri iy'iminsi 100 Itorero ADEPR ryifatanije n'Abanyarwanda mu kwibuka Jenoside yakorewe Abatutsi 1994, ryagize ibikorwa byo kwibuka 113, hasanwe amazu 61 y'abarokotse jenoside andi 19 arigusanwa, rinaboroza inka 94 n'ibindi bitandukanye.

Umuyobozi w’Akarere ka Huye Sebutege Ange yihanganishije ababuze ababo muri Jenoside. Yashimiye Itorero rya ADEPR kuri iki gikorwa cyo kwibuka abayoboke babo, anashima ibikorwa by’iri torero mu kubaka ubumwe n’ubwiyunge, ndetse no kuremera abarokotse Jenoside.

Mu nzu zasanwe harimo inzu 3 zo mu murenge wa Kinazi zanatashywe kuri uyu munsi wo kwibuka, ndetse abasaniwe banahabwa inka eshatu.