Ku rwibutso rwa Jenoside yakorewe Abatutsi rwa Karama mu murenge wa Karama hatangirijwe ku rwego rw’Akarere icyumweru cy'icyunamo n'iminsi 100 yo kwibuka ku nshuro ya 31 Jenoside yakorewe Abatutsi.

Ni icyumweru cyatangijwe mu gihugu hose kuwa 7 Mata 2025, kibera mu midugudu yose nk’uko amabwiriza yabiteganyaga. 

Iki gikorwa cyo mu murenge wa Kigoma cyitabiriwe n'abayobozi mu byiciro binyuranye bahagarariye abandi barimo Umunyamabanga Nshingwabikorwa w’Intara y’Amajyepfo; Komite nyobozi y’Akarere; Musenyeri wa Diyosezi Gatolika ya Butare na Musenyeri wa EAR Diyosezi ya Butare; Umuyobozi wa Kaminuza y’Abaporotesitanti mu Rwanda (PUR) n’abandi barimo abo mu nzego z’umutekano. 

Nyuma yo kunamira no guha icyubahiro imibiri y'Abatutsi bishwe muri Jenoside bashyinguye mu rwibutso rwa Karama, aba bayobozi bifatanyije n'abatuye imidugudu itandukanye y’Akagali ka Gahororo mu murenge wa Karama bahuriye hamwe ngo bahabwe ikiganiro cyateganijwe.

Urwibutso rwa Jenoside rwa Karama rushyinguyemo imibiri isaga 75,000 y'Abatutsi bishwe.

Nyuma yo kunamira imibiri ishyinguye mu rwibutso rwa Karama abayobozi bifatanije n'abaturage kumva ikiganiro cyateguwe.