Mu mirenge yose y’Akarere ka Huye hatangijwe gahunda y’ubukangurambaga bw’iminsi 16 yo kurwanya ihohotera rishingiye ku gitsina. Ni igikorwa cyatangirijwe mu nteko z’abaturage mu tugari twose zateranye kuwa 25 Ugushyingo 2025.

Umuyobozi w’Akarere wungirije ushinzwe imibereho myiza y’abaturage Kankesha Annonciatha yatanze ubutumwa bushishikariza abantu kurwanya ihohotera iryo ari ryose no gutanga amakuru ahagaragara ihohotera iryo ari ryose. 

Muri iki gikorwa hatanzwe ikiganiro ku icuruzwa ry’abantu; ihohotera n’ingaruka zaryo mu muryango.

Mu murenge wa Kinazi hasezeranye imiryango 25 yiyemeje kubana byemewe n’amategeko.

Muri uyu murenge wa Kinazi hashimiwe Koperative “ABAHUJE SAZANGE” ikora ubuhinzi bw’umuceri. Iyi Koperative yafashije imiryango 50 kuva mu makimbirane.

Imiryango yasezeranye kubana byemewe n'amategeko yakatanye “gateau” n'abayobozi.

Hashimiwe Koperative “ABAHUJE SAZANGE” yafashije imiryango 50 kuva mu makimbirane.