Mu mirenge yose igizw Akarere hatangijwe urugerero rudaciye ingando rw'Inkomezabigwi icyiciro cya 12 aho ku rwego rw'Akarere ka Huye igikorwa cyatangijwe n'Umuyobozi w'Akarere mu murenge wa Mbazi.

Urugerero rudaciye ingando rw’Inkomezabigwi icyiciro cya 12 rwatangijwe kuwa 13 Mutarama 2025 rwitabirwa n’Intore zarangije amashuri yisumbuye mu mwaka wa 2023-2024.

Atangiza urugerero rudaciye ingando, umuyobozi w’Akarere Sebutege Ange yasabye Intore kuba bandebereho mu bikorwa byose biyemeje gukora mu gihe cy'urugerero rudaciye ingando ndetse asaba inzego z'ibanze zirimo imirenge, akagari n'imidugudu kuzabafasha Intore mu bikorwa bazakora.

Umuyobozi w'Akarere yanabasabye kurushaho kwita no kubumbatira Ubumwe n'Ubudaheranwa mu bikorwa bya buri munsi kuko imbaraga z'Abanyarwanda zishingiye ku bumwe. 

Urugerero rudaciye ingando rwatangijwe kuwa 13 Mutarama 2025 ruzasozwa kuwa 28 Gashyantare 2025.