Muri gahunda y‘ukwezi kwahariwe imiyoborere myiza, Guverineri w‘Intara y‘Amajyepfo ari kumwe n‘abagize inama y‘umutekano itaguye y‘Intara y‘Amajyepfo basuye abaturage bo mu murenge wa Rwaniro, haganirwa kuri gahunda zitandukanye z‘iterambere hanakemurwa ibibazo by‘abaturage. 

Kuwa 19 Kanama 2025, itsinda ry‘ubuyobozi bw‘Intara y‘Amajyepfo riyobowe na Guverineri, hamwe n‘ubuyobozi bw‘Akarere ka Huye, ryasuye abatuye mu kagari ka Nyaruhombo ko mu murenge wa Rwaniro mu nteko y‘abaturage yahuje abatuye aka Kagari. 

Abayobozi baganirije abitabiriye Inteko kuri gahunda zirimo gukora cyane &kwiteza imbere, kwirinda amakimbirane mu miryango, gusigasira umutekano muri rusange, gutegura neza igihembwe cy’ihinga n‘izindi gahunda z’iterambere. Muri iyi nteko y‘abaturage hanakiriwe ibibazo by‘abaturage kandi birakemurwa.