o ibibazo byugarije imiryango.

Buri cyumweru cya gatatu cy’ukwezi haterana umugoroba w’imiryango mu midugudu hakaganirwa kuri gahunda zinyuranye zigamije guteza imbere imiryango, hanagamijwe kubaka umuryango ushoboye kandi utekanye.

Kuwa 16 Mata 2023 mu midugudu yo mu Karere ka Huye hateranye umugoroba w’imiryango, haganirwa ku ngingo zirimo kurwanya ubuzerezi, itangira ry’ishuri ry’igihembwe cya 3, isuku, kurwanya imirire mibi no kurwanya amakimbirane mu miryango.

Umuyobozi w’Akarere ka Huye wungirije ushinzwe imibereho myiza y’abaturage KANKESHA Annonciata yitabiriye umugoroba w’imiryango mu mudugudu wa Bigangara, akagali ka Gatobotobo mu murenge wa Mbazi. Ashingiye ku ngingo zateganijwe zo kuganiraho, uyu muyobozi yatanze impanuro ku bitabiriye umugoroba w’imiryango, agaragaza uko hakwiye kubakwa umuryango ushoboye kandi utekanye.

Abatuye umudugudu bahawe umwanya wo kungurana ibitekerezo ku ngingo zaganiriweho, kandi banafatira hamwe umwanzuro w’ibisubizo ku mbogamizi ndetse n’ibibazo byagaragaye mu mudugudu.

Mu rwego rwo kwifatanya n’Abanyarwanda kwibuka ku nshuro ya 29 Jenoside yakorewe Abatutsi, Umudugudu wa Bigangara waremeye ababyeyi 3 bawutuyemo barokotse Jenoside yakorewe Abatutsi, bahabwa ibiribwa.