Imurikabikorwa rigaragaza ubushobozi abagore bamaze kugeraho mu kwiteza imbere ni ryo ryabimburiye ibirori byo kwizihiza umunsi mpuzamahanga w’umugire ku rwego rw’Akarere ka Huye.

Ni ibirori byabereye mu murenge wa Huye, akagali ka Muyogoro, umudugudu wa Mbuba kuwa 08 Werurwe 2023, byitabirwa n’inzego zinyuranye zaba izo ku rwego rw’Akarere no ku rwego rw’Igihugu.

Senateri Nkurunziza Innocent wari umushyitsi mukuru muri ibi biriro yashimye ibikorwa bitadukanye by’abagore bo mu Karere ka Huye, byaba ari ibishingiye ku musaruro w’ubuhinzi n’ubworozi; ubukorikori nk’ubudozi n’ububoshyi, n’ibindi.

Perezida w’Inama Njyanama y’Akarere Dr Kagwesage Anne Marie ndetse n’Umuyobozi w’Akarere ka Huye bagaragaje ko Akarere ka Huye katazahwema gushyigikira ibikorwa biteza imbere umugore, kandi bahamagaraira abagore ndetse n’abagabo gufatanya mu bikorwa biteza imbere umuryango ndetse n’igihugu muri rusange.

 Umunsi mpuzamahanga w’umugore wizihijwe kuri iyi nsanganyamatsiko: “Ntawe uhejwe mu guhanga udushya mu ikoranabuhanga biteza imbere uburinganire”

Muri iki gikorwa cyo kwizihiza umunsi mpuzamahanga w’umugore, RICH yeremeye abakobwa 20 babyariye iwabo, buri wese ahabwa 120,000 frw yo kwiteza imbere.