Mu mirenge yose haratangizwa gahunda yo kwita ku rubyiruko mu gihe cy’ibiruhuko, hatangwa ubutumwa bushishikariza urubyiruko kurangwa n’indangagaciro nziza.

Ku rwego rw’Akarere, gahunda yo kwita ku rubyiruko mu gihe cy’ibiruhuko yatangijwe kuwa 23 Nyakanga 2025. Ku rwego rw’Akarere yabereye mu murenge wa Mukura, akagari ka Bukomeye, umudugudu wa Taba, ahahurijwe urubyiruko rwo muri aka kagari. Umuyobozi w' w'Akarere wungirije ushinzwe imibereho myiza mu Karere ka Huye Madamu Kankesha Annonciatha.

Igikorwa cyatangijwe na Annonciata Kankesha, Umuyobozi w’Akarere wungirije ushinzwe imibereho myiza.

Muri iki gikorwa cyo gutangiza gahunda yo kwita ku rubyiruko mu gihe cy’ibiruhuko, urubyiruko rwahawe umwanya wo kugaragaza impano.

Umuyobozi w'Akarere wungirije ushinzwe imibereho myiza Kankesha Annonciata yifatanyije n'urubyiruko mu mukino w'umupira w'amaboko (Basketball). Urubyiruko rwanashyikirijwe imipira itandukanye ruzakoresha mu gihe cy'ibi biruhuko.

Muri iyi gahunda izajya ikorwa gatatu mu cyumweru, hazibandwa ku bikorwa birimo imikoro ngiro, ikiganiro hamwe n’imikino n’imyidagaduro.

Ibiganiro bizatangwa birimo ibijyanye n’Umuco, Amateka n’Indangagaciro; Umurimo n’Umuco wo kwizigamira; Ubuzima bw’Imyororokere; Ubuzima bwo mu mutwe.

Hazanatangwa ibiganiro ku kurwanya ibiyobyabwenge n’icuruzwa ry’abantu; Uburenganzira bw’umwana, inshingano, isuku n’isukura; na imbuga nkoranyambaga na Siporo.

Urubyiruko rwahawe imipira izabafasha kwidagadura mu biruhuko

Urubyiruko rwahawe umwanya wo kugaragaza impano